हामी कस्तो संविधान बनाउने भनेर भारत गएको होइन, यो नेपालीको आन्तरिक मामिला हो - देउवा
देउवाले भने 'भाषाका आधारमा संघीयता होइन'
काठमाडौ, असार १ - कांग्रेसका वरिष्ठ नेता शेरबहादुर देउवाले भाषाका आधारमा संघीयता बनाउन भारतले सुझाव दिएको भनी एमाओवादी अध्यक्ष पुष्पकमल दाहालले दिएको अभिव्यक्ति आफ्नो भ्रमणमा भने नपाएको बताएका छन् ।
६ दिने भारत भ्रमणपछि शुक्रबार फर्केका देउवाले काठमाडौं विमानस्थलमा सञ्चारकर्मीसँग भने, 'कस्तो संविधान बनाउने भन्ने भारतको चासो देखिएन, यो नेपालीको आन्तरिक मामिला हो । भारतको सुझाव संविधानसभा निर्वाचन सम्पन्न गरी चाँडै संविधान बनाएर स्थिरता कायम गर्नु पाएँ ।'
यसअघि भारत भ्रमण गरेका दाहालले भने भाषाका आधारमा संघीयतामा जाने सुझाव पाएको बताएका थिए । 'नेपाल जस्तो चाहन्छ, त्यस्तै संविधान बन्नुपर्छ, भारतले कस्तो संविधान चाहन्छ भन्ने आधारमा होइन,' हषिर्त मुद्रामा देखिएका देउवाले भने, 'भारतीय नेताको साझा निष्कर्ष पनि यही हो । हामी कस्तो संविधान बनाउने भनेर भारत जाने पनि होइन ।'
प्रधानमन्त्री मनमोहन सिंह, भारतीय कंग्रेस आईकी अध्यक्ष सोनिया गान्धी, विदेश मन्त्री सलमान खुर्सिद, राष्ट्रिय सुरक्षा सल्लाहकार शिवशंकर मेनन, विदेश सचिव रञ्जन मथाईलगायत विभिन्न राजनीतिक दलका नेता तथा पदाधिकारीसँग भेटेका देउवाले आफ्नो भ्रमण अत्यन्त सफल भएको प्रतिक्रिया दिए ।
देउवाले आफ्नो भ्रमणले पार्टीसँगको भारतीय सम्बन्धमा सुधार ल्याउने दाबी पनि गरे । सत्तारूढ कंग्रेस गठबन्धनकी अध्यक्ष सोनिया गान्धीसँगको भेटमा त्यस्तो सम्बन्ध सुधारका विषयमा समेत छलफल भएको उनले बताए । पछिल्लो पटक भारत नेपाली कांग्रेसप्रति असहयोगी हुँदै आएको भनी पार्टीभित्रैबाट भएको टिकाटिप्पणीप्रति लक्षित गर्दै देउवाले भने, 'भारतीय कंग्रेस र नेपाली कांग्रेसबीच पुरानो सम्बन्ध हो, सम्बन्ध बढाउने कुराकानी गरेको छु ।'
देउवाले आगामी संविधानसभा निर्वाचनका लागि भारत सरकारले आवश्यक 'लजिस्टिक' सहयोग गर्ने बचनबद्धतासमेत दिएको बताए । सुदूरपश्चिमको महाकालीमा पुल निर्माण, काठमाडौं-निजगढ फास्टट्रयाक, भारतसँगको व्यापार घाटा कम गर्नेसहित आफूले राखेको विकास प्रस्तावमा समेत सहयोग प्राप्त हुने विश्वास पाएको बताए । उनले आफ्नो भ्रमणलाई भारत सरकारले दिएको महत्त्व र स्वागत राष्ट्रकै लागि भएको बताए । 'मेरो सम्मान राष्ट्रकै लागि हो । म व्यक्तिगत चाहनाका लागि भारत गएको पनि होइन,' देउवाले भने ।
देउवा र्फकंदा काठमाडांै विमानस्थलमा पनि कार्यकर्ताको ठूलो भीड लागेको थियो । विमानस्थलमा उत्रनु एक घन्टाअघिदेखि नै उनको स्वागतका लागि कार्यकर्ताको घुइँचो थियो । उनी विमानस्थलबाट निस्कँदा नारा लगाउँदै नेविसंघ र तरुण दलका युवाले गाडीलाई स्कर्टिङ गरेका थिए । देउवाको साथमा केन्द्रीय सदस्य विमलेन्द्र निधि र देउवा पत्नी आरजु सहभागी थिए ।
काठमाडौ, असार १ - कांग्रेसका वरिष्ठ नेता शेरबहादुर देउवाले भाषाका आधारमा संघीयता बनाउन भारतले सुझाव दिएको भनी एमाओवादी अध्यक्ष पुष्पकमल दाहालले दिएको अभिव्यक्ति आफ्नो भ्रमणमा भने नपाएको बताएका छन् ।
यसअघि भारत भ्रमण गरेका दाहालले भने भाषाका आधारमा संघीयतामा जाने सुझाव पाएको बताएका थिए । 'नेपाल जस्तो चाहन्छ, त्यस्तै संविधान बन्नुपर्छ, भारतले कस्तो संविधान चाहन्छ भन्ने आधारमा होइन,' हषिर्त मुद्रामा देखिएका देउवाले भने, 'भारतीय नेताको साझा निष्कर्ष पनि यही हो । हामी कस्तो संविधान बनाउने भनेर भारत जाने पनि होइन ।'
प्रधानमन्त्री मनमोहन सिंह, भारतीय कंग्रेस आईकी अध्यक्ष सोनिया गान्धी, विदेश मन्त्री सलमान खुर्सिद, राष्ट्रिय सुरक्षा सल्लाहकार शिवशंकर मेनन, विदेश सचिव रञ्जन मथाईलगायत विभिन्न राजनीतिक दलका नेता तथा पदाधिकारीसँग भेटेका देउवाले आफ्नो भ्रमण अत्यन्त सफल भएको प्रतिक्रिया दिए ।
देउवाले आफ्नो भ्रमणले पार्टीसँगको भारतीय सम्बन्धमा सुधार ल्याउने दाबी पनि गरे । सत्तारूढ कंग्रेस गठबन्धनकी अध्यक्ष सोनिया गान्धीसँगको भेटमा त्यस्तो सम्बन्ध सुधारका विषयमा समेत छलफल भएको उनले बताए । पछिल्लो पटक भारत नेपाली कांग्रेसप्रति असहयोगी हुँदै आएको भनी पार्टीभित्रैबाट भएको टिकाटिप्पणीप्रति लक्षित गर्दै देउवाले भने, 'भारतीय कंग्रेस र नेपाली कांग्रेसबीच पुरानो सम्बन्ध हो, सम्बन्ध बढाउने कुराकानी गरेको छु ।'
देउवाले आगामी संविधानसभा निर्वाचनका लागि भारत सरकारले आवश्यक 'लजिस्टिक' सहयोग गर्ने बचनबद्धतासमेत दिएको बताए । सुदूरपश्चिमको महाकालीमा पुल निर्माण, काठमाडौं-निजगढ फास्टट्रयाक, भारतसँगको व्यापार घाटा कम गर्नेसहित आफूले राखेको विकास प्रस्तावमा समेत सहयोग प्राप्त हुने विश्वास पाएको बताए । उनले आफ्नो भ्रमणलाई भारत सरकारले दिएको महत्त्व र स्वागत राष्ट्रकै लागि भएको बताए । 'मेरो सम्मान राष्ट्रकै लागि हो । म व्यक्तिगत चाहनाका लागि भारत गएको पनि होइन,' देउवाले भने ।
देउवा र्फकंदा काठमाडांै विमानस्थलमा पनि कार्यकर्ताको ठूलो भीड लागेको थियो । विमानस्थलमा उत्रनु एक घन्टाअघिदेखि नै उनको स्वागतका लागि कार्यकर्ताको घुइँचो थियो । उनी विमानस्थलबाट निस्कँदा नारा लगाउँदै नेविसंघ र तरुण दलका युवाले गाडीलाई स्कर्टिङ गरेका थिए । देउवाको साथमा केन्द्रीय सदस्य विमलेन्द्र निधि र देउवा पत्नी आरजु सहभागी थिए ।
