मकै रहेछ अचम्मै गुनिलो, कोलेस्ट्रोल नियन्त्रणदेखि क्यान्सरसम्मको उपचार

एजेन्सी : मकैमा शरिरको पोषणका लागि आवश्यक सबै प्रकारको मिनरल्स पाइन्छ । मकै एउटा यस्तो स्वस्थ आहार हो जसलाई तपाईं बिहान, दिउँसो, बेलुका जतिबेला पनि खान सकिन्छ ।

शरीरमा जमेको अतिरिक्त बोसो अर्थात् कोलेस्ट्रोलाई कम गर्ने सबैभन्दा असरदार तरिका हो मकैको प्रयोग ।

१. कोलेस्ट्रोल कम गर्छ 
मकैमा भिटामिन सी, बायोफ्लेविनाइड्स, क्यारोटेनाइड र फाइबर भरपूर मात्रामा पाइन्छ । यसले कोलेस्ट्रोललाई कम गरेर धमनीहरु ब्लक हुनबाट रोक्छ । यसमा पाइने फाइबरले कोलेस्ट्रोललाई नियन्त्रित गर्न सहायक गर्दछ ।

२. क्यान्सरबाट बचाउँछ
मकैमा पाइने एन्टी अक्सिडेन्ट र फ्लेवेनाइड तत्वका कारण क्यान्सरजस्ता खतरनाक रोगको खतरा पनि कम हुन्छ । यसका साथै यसले फ्रि रेडिकल्सबाट हुने नोक्सानीबाट बचाउँछ । मकैमा पाइने फेरुलिक एसिड, स्तन र कलेजोको ट्युमरको आकारलाई पनि कम गर्नमा सहयोग गर्दछ ।

३. हड्डी हुन्छ बलियो
हड्डीलाई बलियो बनाउनका लागि तपाईं दुध र भिटामिन डी को सेवन गर्नुहुन्छ । तर तपाईंलाई थाहा नहोला, मकैमा पाइने जिंक, फोस्फरस, म्याग्नेसियम र आइरनले हड्डीलाई बलियो बनाउनमा महत्वपूर्ण भूमिका निभाउने गर्दछ । यसका साथै यसले बाथ रोगको सम्भावना पनि कम गर्दछ ।

४. छालालाई चम्किलो बनाउँछ
छालालाई चम्किलो बनाउनका लागि मकैको सेवन गर्दा राम्रो । छाला सुन्दर, मुलायम र चम्किलो हुन्छ । वास्तवमा मकैमा भिटामिन ए र सी राम्रो मात्रामा पाइन्छ । यसका साथै एन्टी–अक्सिडेन्ट फ्री र्डिकलबाट बचाएर अनुहारमा चाउरी पनए दिँदैन ।

५.आँखाको लागि फाइदाजनक
मकैमा बिटा–क्यारोटिन, भिटामिन ए हुन्छ जुन आँखाको लागि निकै फाइदाजनक छ । यसले आँखाको समस्यालाई कम गरेर, ज्योती बढाउँछ । यसका साथै बढ्दो उमेरसँगै हुने रतन्धोलगायतका सम्भावना कम गर्दछ ।

६. ऊर्जावान् बनाउँछ
यदि तपाईंलाई अल्छी लाग्छ र शरिरमा ऊर्जा छैन जस्तो अनुभव हुन्छ भने मकैको सेवन गर्नुहोस् । मकैमा कार्बोहाइड्रेट हुन्छ जसले शरिरलाई ऊर्जावान् राख्छ । यो खाँदा पेट चाँडै नै भरिन्छ र तपाईंलाई धेरैबेरसम्म ऊर्जावान् राख्दछ ।

७. पेटको समस्याबाट राहत
अस्वस्थकर खानाले कब्जियतको समस्या धेरैमा छ । मकैमा पाइने फाइबर्सले कब्जियतबाट राहत दिलाउँछ । यसले मलाशय वा कोलनमा जमेको खाद्य पदार्थलाई निकाल्न पनि सहयोग गर्दछ जसले कब्जियतको समस्या पनि कम हुन्छ ।

८. रक्तअल्पत्ताको उपचार
मकैमा आइरनको मात्रा भरपुर हुन्छ जसले तपाईंको शरिरमा आइरनको कमीलाई टाढा राख्छ । जसका कारण यसले तपाईंलाई रक्तअल्पत्ताबाट जोगाउँछ । रक्तअल्पत्ताको उपचारको लागि मकै निकै फाइदाजनक छ ।

९. गर्भवती महिलाका लागि
गर्भवती महिलालाई खानपिनमा विशेष ध्यान दिन सल्लाह दिइन्छ । यस्तोमा मकै निकै फाइदाजनक छ किनभने मकैमा भिटामिन बी र फोलिक एसिड हुन्छ ।


advertisements
Just In KhabarSite
© all rights reserved
Crafted with by NetKUTI